ni Liz SerquinYeah
Ngayon ang kapanahunan
Kasalanan ay talikdan.
Pagbabago'y umpisahan
Masama ay talikuran.
'At wag ng babalikan
Anuman maling daan.
Kailangan mo ba ng makakapitan?
Ika'y Kanyang hahawakan.
Lagi ka Niyang pinaaalalahanan
Ngunit 'di mo pinakikinggan.
Siya'y nasa ating kapaligiran
Ika'y nagbubulag-bulagan.
Kadiliman may katapusan
Bibigyan ng kaliwanagan.
Isipan may kapanatagan
Kinabukasan may patutunguhan.
Ikaw ay Kanyang aalagaan
Kailanman, hinding-hindi pagsasawaan.
Ang may mabuting kalooban
Kanyang bibiyayaan.
Iyong makakamtan
Buhay na walang hanggan.
Sa piling ng Makapangyarihan
Doon sa kalangitan.
